Angut aqqanilinnik ukiulimmik toqutsisimasutut pasineqarluni tigummigallagassanngortinneqartoq
Niviarsiaraq KJ Greenland Aasiaat aamma Wille Brandtsvejillu akornanni majuartarfinni toqungasoq sapaatit akunnerata siuliani nassaarineqarpoq.
Niviarsiaraq sisamanngornermi unnukkut kingullermik takuneqarpoq.
Angut 27-nik ukiulik niviarsiaqqamik aqqanilinnik ukiulimmik toqutsisimasutut pasineqarluni tigummigallagassanngortinneqarpoq.
AAMMA ATUARUK Niviarsiaraq Aasianni toqungasoq nassaarineqartoq: Politiit takunnissimasussarsiortut
Qaasuitsup Eqqartuussiviani angut ippassaq sisamanngornermi sassartinneqarpoq, toqutsisimasoqarneranilu suliami ulluni 27-ni tigummigallangassanngortinneqarluni.
Kalaallit Nunaanni Politiit tusagassiuutinut taama nalunaaruteqarput.
Angut taanna toqungasup timaanik misissuisartup misissuinerata politiillu paasiniaanerisa kingorna tigummigallassanngortinneqarpoq.
AAMMA ATUARUK Aasiammiu Arqaluk Brandt Johansen: Pisoq oqimaattorsiorfiuvoq
Kalaallit Nunaanni Politiit suliaq massakkorpiaq salliukkaat, pinerluttoqarsimaneranik paasiniaasartuisa pisortaq Simon Andrés KNR-imut ataasinngormat oqarpoq.
- Niviarsiaqqamik aqqanilinnik ukiulimmik toqusoqarnera nalinginnaasuunngilaq. Taamammat ilumut pinerluttoqarsimannginnera qulakkeerumallugu suliaq misissoqqissaarparput, taanna taamani oqarpoq.
Angutip 27-inik ukiullip eqqartuussivimmut sassartitsinnera matoqqasumik ingerlanneqarpoq, politiillu suliaq pillugu annerusumik paasissutissiiumanatik.
