Angut 39-nik ukiulik ministeriunermut Mette Frederiksenimut saassussinerata kingorna tigummigallagassanngortinneqarpoq

Danskit ministerinerat Københavnimi Kulturivimi tallimanngornermi unnukkut ajanneqarami pukutsumigut annersinneqarpoq.

Pukutsumigut sakkortunngitsumik annersinneqarpoq , Statsministereqarfik allakkatigut nalunaarummik nutaarsiassaqartitsivimmut riztaumut arfininngornermi nassiussaqarpoq.

- Ministeriuneq Mette Frederiksen ajanneqarnermi kingorna Rigshospitalimut ippassaq misissortikkiartorpoq. Ajanneqarami pukutsumigut annersinneqarpoq, ministeqarfimmit taama allapput.

Ministeriuneq ajunngilaq ajanneqarninili tupassutigigaa, ministereqarfimmit paasissutissiissutigineqarpoq.

Mette Frederiksen Sjællandimi illoqarfinni assigiinngitsuni aaqqissuussanut ullumi arfinngornermi peqataasussaagaluarpoq, taakkuali taamaatiinnarneqarneqarput.

Mette Frederiksen Københavnemi pisuinnaat aqqutaanni Kultorvemi tallimanngornermi unnukkut qulingiluanut taanneq arfineq pingasut qaangilaara angummit ajanneqarpoq.

Ministeriunerup ajanneqarnerani takunnittut tusagassiorfimmut B.T -mut oqaluttuarput, Mette Frederiksen Nørreportimiit pisuinnaat aqqutaannut Strøgemukarnerani angummit sakkortuumik ajanneqarsimasoq.

Angut saassussisoq Strøgemit Nørreportip tungaanukartuusimavoq.

Ministeriunerup ajanneqarnerata ajanneqarnerata kingorna angut 39-nik ukiulik saassussisimasutut pasineqartoq tigusarineqarpoq.

Angut 39-nik ukiulik ministeriunermik ajatsisoq eqqartuussivimmi Frederiksbergimi inatsit tunngaviusoq naapertorlugu killisiorneqareerluni arfininngornermi ualikkut tigumigallagassanngortinneqarpoq.

Tigusarineqartoq Polenimiusut innutaassuseqartoq pinngitsuunerarpoq.

Angut taanna ikiaroornartutorluni imigassartorsimagunarpoq, ministeriunermillu saassussineq kulturvemi arfinermut tanneq qulit missaanni pisimagunartoq politiit tigusarinninnerup kingorna taama oqarput.

Angutip taassuma ministeriunerup taliatigut talerperlikkut tillussimagaa, politiit isumaqarput.

Pisortat suliffeqarfiini sulisumut saassussisimasutut angut taanna pasineqarpoq.

/ritzau/