Angut 34-nik ukiulik Qaqortumi toqutsinermi suliami tigummigallarneqartussanngortoq

Eqqartuussiveqarfik Kujalliup angut 34-nik ukiulik Qaqortumi angummik 53-inik ukiulimmik toqutsisutut ulluni 28-ni tigummigallagassanngortippaa.
Angut Qaqortumi J. H. Lytzensvejimi toqutsisimasutut pasineqarpoq. Assi © : Mogens Fontain
Allattoq Hanna Vestergaard Hviid
februaarip 10-at 2023 17:30
Nutserisoq Connie Fontain

Kalaallit Nunaanni Politiit angut 34-nik ukiulik angummik 53-inik ukiulimmik J. H. Lytzensvejimi inigisamini arfininngornermi februaarip sisamaani nassaarineqartumik toqutsisimasutut sisamanngornermi unnukkut tigusaraat.

Taanna Eqqartuussiveqarfik Kujallermi ualimut killisiorneqarpoq, ullunilu 28-ni tigummineqarallartussanngortinneqarluni.

AAMMA ATUARUK Toqutsisoqarnerata kingorna politiit eqqissisaasut: Toqoraasoqanngilaq

Taanna toqutsisutut pasineqarpoq.

Kalaallit Nunaanni Politiit tusagassiuutinut nalunaarummi allapput.

Inatsit tunngaviusoq naapertorlugu killisiuinermi matut matoqqatinneqarput, taamaammallu politiit suliamut atatillugu allamik oqaaseqarsinnaanngillat.

Sapaatini akunnerni sisamani toqutsinerit pillugit suliat sisamat

Qaqortumi toqutsineq pillugu suliaq politiit toqutsinernik sulianik misissuinerisa sisamat ilagaat.

Suliat marluk Qaqortumiipput, ataaseq Nuummi ataaserlu Sisimiuni.

Toqutsinerilli sisamat imminnut attuumassuteqanngillat, sulianilu pingasuni inunnik tigummigallaasoqarluni.

AAMMA ATUARUK 25-nik ukiulik ulluni 28-ni tigummigallagassanngortinneqartoq

Suliat sisamaanni tassa Nuummi pisumi angut pasineqarpoq. Taanna sapaatip akunnerata siuliani akunnerni 72-ini tigummigallarneqarnikuuvoq, kingornali iperagaalluni.

Sulianut atatillugu arlaannik paasissutissaateqartoqaruni politiit attaveqarfigineqarnissaminnik kaammattuuteqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk