25-nik ukiulik ulluni 28-ni tigummigallagassanngortinneqartoq
Taanna Sisimiuni arnamik 55-inik ukiulimmik pingasunngornermi unnukkut savimmik kapineqarluni toqutaasumut toqutsisimasutut pasineqarpoq.
Sisimiuni politeeqarfimmi aqutsisoq, Karl Jørgen Lennert ima oqaaseqarpoq:
”Suliap matut matoqqatillugit ingerlanneqarmat piffissami matumani qanoq oqaaseqarsinnaanerput killeqangaatsiarpoq. Suliamili misissueqqissaartussanngornerput aamma Danmarkimi pinerluttoqarneranik misissuisartut toqungasullu timaanik misissuisartut misissueqqissaarnitsinni ikiuutaasussat tallimanngornermi ullaakkut tikissasut paasissutissiissutigisinnaavara.”
Erngertumik napparsimmaviliaanneqartoq
Arnaq Sisimiuni savimmik kapineqarnermi kingorna toquvoq. Inuk ataaseq tigusarineqarpoq.
Politiit arnaq 25-nik ukiulik pingasunngornermi nalunaaqutaq 22.20 tigusaraat.
AAMMA ATUARUK Angut 35-nik ukiulik Qaqortumi toqutsisutut pasineqarluni tigummigallagassanngortinneqartoq
Kalaallit Nunaanni Politiit pinerliffigineqartup qanigisai kalerrinneqarsimasut maannalu allamik oqaasissaqaratik oqaatigaat.
Ullut qulit ingerlaneranni toqutsinerit sisamat
Angutip timaata misissornerata angut nalinginnaasumik toqquteqanngtsoq paasineqarpoq, taamaammat politiit suliamik toqutsisoqarneranik misissuillutik aallartipput.
Ulluni qulini toqutsinerit pingasut
Arnaq 82-inik ukiulik toqungasoq inigisamini Nuummi Ceresvejimi januaarip 31-ani nassaarineqarpoq.
Taanna oqimaatsumik arlaleriarlugu niaquatigut anaaneqarluni toqutaasimavoq. Pinerluuteqartoq tamatuma kingorna arnap inigisaa nalilinnik ujaasiffigeriarlugu ikuallatsippaa.
Angut suliamut atatillugu tigummigallarneqarnikuuvoq, sulilu pasisaqaalluni.
Angut 54-inik ukiulik Qaqortumi J.H. Lytzensvejimi inigisamini toqungasoq februaarip sisamaani nassaarineqarpoq. Taassuma toquneranut pissutaasoq saqqummiunneqanngilaq.
Pingasunngornermi februaarip arfineq-pingajuani unnukkut kingusissukkut arnaq 55-inik ukiulik Sisimiuni savimmik kapineqarluni toqutaavoq.
Arnaq alla tigusarineqarpoq, taannalu eqqartuussivimmi ullumi killisiorneqassaaq.
Angut 54-inik ukiulik Qaqortumi J.H. Lytzensvejimi inigisamini toqungasoq arfininngormat nassaarineqarpoq.
Angutip timaata misissornerata angut nalinginnaasumik toqquteqanngtsoq paasineqarpoq, taamaammat politiit suliamik toqutsisoqarneranik misissuillutik aallartipput.
Angutip qangarpiaq toqusimanersoq erseqqissumik oqaatigineqarsinnaangilaq, kisianni toqutsineq tallimanngorup ualikkuanit arfininngornerullu ullaavata akornanni pisimassangatinneqarpoq.
Suliamut atatillugu tigusarinnittoqanngilaq, politiillu taamaammat Blok I-p aamma Blok H-p akornanni pasinartumik takusaqarsimasut tusaasaqarsimasullu politiinut saaffiginneqquneqarput.
Nuummi arnaq 82-inik ukiulik toqutaasimasoq inigisami januaarip 31-ani marlunngornermi nassaarineqarpoq. Arnaq niaqqumigut oqimaatsumik arlaleriarluni anaatarneqarsimavoq. Pinerluuteqartorlu tamatuma kingorna inissiaq nalilinnik ujaasiffigeriarlugu ikuallatsippaa.
30-nik ukiulik tigusarineqarpoq, Eqqartuussisoqarfik Sermersuumilu sassartinneqarluni. Angut toqutsisutut ikuallatsitsisutullu pasineqarpoq, ullunilu pingasuni tigummigallagassanngortinneqarluni. Angut tamatuma kingorna iperagaaqqippoq, suliamulli atatillugu suli pasineqarluni.
Kalaallit Nunaanni Politiit oqarnerat naapertorlugu toqutsinerit pingasut imminnut attuumassuteqanngillat.