Anguitit assammik arsartartut sisamassaa tullleriiginnarnik ajugaapput
Amerikap nunavittaani assammik arsarluni unammersuarnerni anngunniulluni unammersuarnermi kingullermi Nunarput kingumut angusarissaarpoq, USA-mut unamminermi 30-eraarluni ajugaagami, USA 27-raartoq, unillatsiarnermi 16-13-inik siuaqqavoq.
- Kalaallit Assammik Arsartartut pikkorissorujussuanngorsimasut takusinaavarput. Unammisartut 15-iusaraluarput, ilaalli sisamat Danmarkimi unammillutik, ullumikkut aqqaniliupput, Niels Møller, tulluusimaaqisoq oqarpoq, nangillunilu:
Amerikap nunavittaani unammersuarnissnut maanna pilersaarusiortariaqalissaagut, piareersarnissatsinnuty aningaasat qanoq amerlatigisut atussanerlugit pissanganarpoq.
Amerikap nunavittaani assammik arsarluni unammersuarnerit Uruguay-imi Montevideo-mi juunip ulluisa 22-anniit 29-annut pissapput, nunat qulit peqataassallæutik. Kalaallit Nunarput, Brasilia, Argentina, Chililu Qatarimi aappaagu januaarimi VM-ertoqarnissaanut inissat pingasut unammersuaarutigissavaat.