Angerlarsimaffinni meerartalinni persuttaasarnerup ammasumik oqaluuserineqarnissaa paasisitsiniutigineqalerpoq
Angerlarsimaffinni persutaasoqartillugu meeqqat 500-it akuusarput, suliniaqatigiiffimmi Nanubørn-imi aallartitsisoq siulittaasorlu Krissie Berthelsen Winberg oqarpoq.
Paasisitsiniaanermi meeqqat 500it angerlarsimaffinni persuttaaffiusumiittut pingaarnertut sammineqassapput, kisitsisit taakkua politiinit pissarsiaraagut, tassalu paasisitsiniaanerup taakkua aallaavigisussaavaat, Krisiie Berthelsen Winberg oqarpoq. - Aamma ilisimavarput persuttaasarneq iliuuseqarfigisinnaannginnatsigu aamma oqaluuserisinnaanagu, angajoqqaat meeqqallu avatangiisii tamakkiisumik pineqartinnagit siger Krissie Berthelsen Winberg.
Paasisitsiniaaneq aallartillugu kulturikkut illorsuarmi Katuami unnugu arfineq marlunut isiginnaartitsisartup Kristian Mølgårdip kisimiilluni oqalulluni saqqummiutissavaa isiginnaagassiaq Ajussuseq tassani ataatap ernerminik unataasarnera isiginnaartitsissutigineqarpoq anaanaasullu ilatsiinnarluni illersuinngitsoq.
Isiginnaartitsinerup kingorna NanuBørn-ip paasisitsiniaanera pillugu saqqummiussisoqassaaq, plakatinik nivinngaassuisoqarluni kiisalu filmeliamik naatsumik nipilersuutitalimmik KNR-ikkut takutitassiortoqassaaq.
Paasisitsiniaanermut atatillugu nipilersortartut tusaamasat tusarnaartitsisassapput, tassalu Frederik Elsner, Malik Hegelund Olsen aamma Søs Fenger nipilersortoralugit.
Angerlarsimaffinni meerartalinni persuttaasarnerit pissutigalugit meeqqat aamma namminneq persuttaasalernissaat pinngitsoortinniarlugu suliniaqatigiiffik NanuBørn iliuuseqarniarpoq, Chrissie Berthelsen Winberg oqarpoq.
Angerlarsimaffinni persuttaasoqarsimatillugu tamassuma nalunaarutigineqarnissaannut innuttaasut tunuarsimaartuunngitsut taassuma ilisimavaa, taamaattorli persuttaasarnerup oqaluuserineqarnissaa tunuarsimaarfigineqarluni paqumigineqartoq.
Angerlarsimaffinni persuttaasarneq pineqartillugu tusartarpara tamassuma nalunaarutigineqarnissaanut tunuarsimaartoqarneq ajortoq kisiannili persuttaasarnerup oqaluusersineqarnissaannut tunuarsimaartarnerujussuaq unitsinniarparput tamannarpiarlu siunertaralugu paasisitsiniaaneq aallartipparput NanuBørn-ip siulittaasua Chrissie Berthelsen Winberg oqarpoq.
Paasitsiniaaneq "Ajunngilaq" illoqarfinni allani sapaatip akunnerani uani takutinneqassaaq. Siullermik Aasianni sisamanngorpat, tallimanngorpat Ilulissani kiisalu Maniitsumi ataasinngorpat takutinneqassalluni.
