Angerlarsimaffimmi persuttaasimaneq aserorterisimanerlu misissuiffigineqarpoq
Persuttaasimanermik, aserorterisimanermik tillinniarsimanermillu nalunaaruteqartoqarsimaneranik Nuummi politiit maanna suliaqarput.
Allattoq Jens Thorin
Nalunaarutiginnittoq oqaluttuarpoq, inuit qulit aqqaneq marlulluunniit ernini 14-inik ukiulik kisimi angerlarsimasoq arfininngornerup unnuaani nalunaaqutaq pingasut sisamallu akornanni persuttarsimagaat. Erniusoq iluatsitsilluni suli annerusumik annerani igalaakkut qimaasimavoq.
Nalunaarutiginnittup oqarnera naapertorlugu, persuttaasut saassussereeramik qarasaasiakkut pinnguaammik, playstationimik, qarasaasiamik angallattakkamik assiliivinnillu marlunnik tillissimapput, aserorterisimallutillu.
Erneriinnit nalunaarutiginissut Nuummi politiit ataasinngormat tiguaat, maannalu misissuillutik.