Angerlarsimaffeqanngitsut nammineq piumassutsiminnik suliniuteqartunit juullerpalaartinneqarput
Nuummi illorsuarmi timersortarfimmi Godthåbhallenimi angerlarsimafeqanngitsut juullerpaluttunik aaqqissuussiffigineqarput.
Angerlarsimaffeqanngitsut 60-it missaanniittut peqataapput, tamannalu iluatsissinnaasimavoq nammineq piumassutsiminnik suliniuteqartoqarneratigut.
Suliutineqartunut ilaavoq Aviaaja Lynge taassuma pingaartippaa kikkulluunnit juullimi puigorneqannginnissaat, peqataasullu nuannaartut taassuma maliginiarpaa:
- Qujamasuttupilussuusarput kiinarillutik aamma nuannaarlutik, Aviaaja Lynge taama oqarpoq.
Igasut suleqataapput
Aaqqissuussinermut tapersersuisorpaassuarnut Aviaaja Lynge qujamasuppoq:
- Nammineq piumassutsiminnik suleqataasunut tapersersuisut ilaatigut tassaapput, Nukissiorfimmi igasoq, KP, Katuami igasoq Leif, Katuaq qujanartumik akuersissulluni, Brugsen nerisassanik tunisilluni, KK engros nerinermut atortunik ataasiartakkanik tunissuteqarpoq, Timersortarfimmi Godthåb Hallenemi igaffik ukiormanna atorneqarsinnaasimanngimmat, Aviaaja Lynge taama oqarpoq
Coronamut killilersuutit ukiormanna sukannerneruneri pillugit illorsuarmi timersortarfimmi angerlarsimaffeqanngitsut juullerpaluttumik aaqqissuussifigineqarneranut annertoorujussuarmik assigiinngitsunik tapersorsorneqarlutik,
Aviaaja Lynge taama oqarpoq.
Nerisassaat ilai poortorneqarlutik annissorneqarput, angerlarsimaffeqanngitsut ilai coronamik tunillatsissimallutiik mattusimatinneqarmata taakkununnga pajugutineqarlutik.
Nuummi timersortarfissuarmi Godthåbhallenimi aqqissuussineq immikkut akuersissueqarluni atorneqarpoq, coronamut killilersuutit maanna atuuttut napertorlugit.
