Angallanneq pillugu ilisimasanik katersuuffeqaleqquaat

Angallanneq pillugu ilisimasanik immikkut katersisarfimmik Naalakkersuisut kukkunersiuisa Angallannermut Naalakkersuisoq Jens Napaattooq pilersitseqqulerpaat, naalakkersuinermik suliaqartut angallanneq pillugu paasissutissanik aallerfigisinnaasassaannik.

 Nunatsinni angallanneq pillugu naalakkersuisoq angallanneq pillugu apeqqutinik akissuteqarusussimanngimmat Inatsisartut kukkunersiuisui pilersitsinissamik piumasaqarput.

Kukkunersiuisut mittarfiit pioreersut 1000 meterinut 1199 meterinulluunnit ajornaquteqanngitsumik tallilersinnaanersut paasiumasimagaluarpaat. Ilanngullugu ingerlatsinermi aningaasartuutit annertussusaat, ilaasullu amerlassusaat paaserusussimagaluarlugit.

Angallannermut naalakkersuisoq akissuteqanngilaq, kukkunersiuisullu saaffiginnissutaat tunuarteqqullugu. Kukkunersiuisut angallannermut pissutsit, mittarfinnut inatsimmut ukiunik qulinik pisoqaatigisumut sanilliullugu nassuiaateqaqqusimagaluarpaat, kissaatigineqartorli tunuarteqquaa.

Sipaarniaqqusisimanerit malinneqarsimanersut paaserusunneqartunut ilaapput.

Angallannermut naalakkersuisup pisariaqarsorinngilaa 1995-imi siunniullugit suliassat inuiaqatigiit ingerlaasaat allanngorsimaqimmat oqaluserisallugu pisariaqanngitsoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat