Andreas Mogensen ullut qulit avataasuaneereerluni nunarsuarmut uterami taama oqarpoq, piffissarlu sukkasimaasoq, qallunaani siullersaanni avataarsualiartoq oqarpoq.
Andreas Mogensen qallunaani siullersaalluni avataarsualiarnermigut qallunaat oqaluttuarisaanerannut ilannguppoq.
Ullut qulit atorlugit avataarsualiartaammi ISSimi, Den Internationale Rumstationimi, ilimatuussutsikkut misilittaanerit arlaqartut suliarai, ulapissimaqigamilu nunarsuatsinni naqitsinilimmi inuuneq angerlarsiffigissallugu piffissaqarfigisimanagu.
- Angerlarsernissamut piffissaqarsimanngilaq, Andreas Mogensen avataarsuanit Kasakhstanimut nunninnermi kingorna tusagasssiortunik katersortitsisoqarnerani taama oqarpoq.
- Piffissaq sukkasoorujussuarmik ingerlasimavoq, Andreas Mogensen oqarpoq.
Taassuma avataarsualiaqataa avataarsualiartartoq kosmonauteq russeq, Gennadij Padalka, avataarsualiarnermi kingullermi rekordiliivoq.
Aamma atuaruk Qallunaaq avataarsualiartartoq ajunngitsumik aallarpoq
Genndij avataarsualiartartuni sivisunerpaamik avataarsuaniippoq.
- Avataarsualiartartoq russeq ulluni 879-ni avataarsuaniippoq Rekordiliinikoq ulluni 803-ni avataarsuaniippoq.
Russeq taanna misilittagaqarluartoq avataarsualiartaammi ISS-miippoq qaammatini arfinilinni. Genndij Padalka siullerpaamik avataasualiarpoq 1998-mi
- Tassunga killippoq, maanna qasuersaarsinnaanngorpusi, Padalka avataasualiartaammi Sojusimi angalaqatini taama oqarfigai, Sojus Kasakhstanip inoqajuitsuanut danskit nalunaaqutaat unnuakkut marlunut tanneq qulinngortoq nunnilinnginnerani.
Avataarsualiartaammi Sojusimi inuttaapput, Andreas Mogensen, russeq Gennadij Padalka aamma Kasakhstanimioq Aidyn Aimbetov.
