ASSIT Anders Lund Madsen Ittoqqortoormiini aallakaatitassiortoq
Piviusulersaarutitut nangeqattaartuliaq taaguteqarpoq 'Anders Lund Madsen illoqarfiit avinngarusimanersaanni' DR1-imilu novembarip 19-iani takuteqqaarneqassalluni.
Madsen ulluni 30-ni Ittoqqortoormiiniissimavoq, najugaqartut qanimut malittarisimallugit ulluinnarnilu inuunerat qanoq isikkoqarnersoq misissorsimallugu.
- Amerlanersaasugut ulluinnarni atortussanik pisiassat, nakorsaq pisiniarfiillu qanillugit illoqarfimmi peroriartorpugut. Niuertarfik nioqqutissaateqarnersoq, imermik kuuinnartoqarnersoq tv-kkullu kanaalit 30-iunersut eqqarsaatigisariaqanngilarput. Taamaammat pingaaruteqarpoq inuit pineqartut inuunerat oqaluttuarissallugu, taakkumi uagut ilisimasatsinnit sungiusimasatsinnillu inuuniarnikkut allaanerulluinnartunik atugaqarput, DR-imi piviusulersaarusiornermut pisortaq, Anders Thomsen, DR.dk-mut taama oqarpoq.
Anders Lund Madsenip Ittoqqortoormiiniinnermini ilaatigut aanaajusoq Therecie naapippaa. Taassuma angajoqqaavi Ittoqqortoormiini innuttaasut siulliit ilagisimavaat. Erneqqaarami skatteqarfimmi ernisimavoq aammalu nammineerluni marlunnik nannussimalluni - aamma aput nuannarinngilaa.
Politeeq Steen Ringkøbingimeersoq innuttaasut 407-iusut akornanni pinerluttaalisitsisuusoq aammalu pisariaqassappat aavermik toqutsisinnaasoq aamma naapippaa. Aammattaaq Aviaja illoqarfeeqqami inuunerup ilaatigut ilungersunartuusinnaanera pissutigalugu arfineq-pingasuinnarnik ukioqarluni imminut toqunnissaminik eqqarsarsimasoq naapissimavaa.
