Anaanani toqqusassigaa
Aviisip Ekstrabladep nittartagaani taama allaaserinnittoqarpoq.
Angutip kalaallip 33-nik ukiullip taassuma, Københavnip kujataatungaani arnani qatanngutinilu angut najugaqatigai. Angut tallimanngormat ullaap tungaagut nalunaaqutaq qulit missaanni angerlarsimaffimminiittoq tigusarineqarpoq, tassa arnaminik saassussineranit nalunnaaquttap akunnera ataaseq qaangiuttoq.
Aviisimi allaaserineqarpoq angutip arni uppiteriarlugu sakiaanut ingilluni assamminik illuttut niaqua arlaleriarluni natermut anaarluttarsimagaa, tamatumalu kiongorna toqqusassisimallugu. Aviisimi aamma taaneqarpoq angut aalakooqaluni arnaminik saassussisimasoq, saassussineralu qatanngutaata illuatalu imigassarsiniareerlutik uternerminni naammattoorsimagaat.
Unnerluussisut piumasarigaluarpaat 33-nik ukiulik toqutseriarsimasutut unnerluutigineqassasoq. Kisianni eqqartuussisoq isumaqarluni, matumani 'sakkortuumik nakuuserneq' pineqartoq. Angut sapaatip akunnerini sisamani tigummigallagassanngortinneqarpoq.
