Amikoq suliffissamik neqeroorfigineqarpoq

Amikoq Paul najuutinngikkaluarluni takorluuisinnaasutut, nunarsuaq tamakkerlugu tusaamaneqalersoq, Ruslandimi timersortunik eqquiniaasitsisarfimmi atorfinissinnaasutut neqeroorfigineqarpoq.
Allattoq Elisa Isaksen
juulip 19-at 2010 06:34

Eqquiniaasitsisarfiup Paul qaammammut 5.000 dollarsinik akissarsiaqartussatut neqeroorfigisimagaa, russit tusagassiorfiisa oqaatigaat.

Taanna sulisut 120-usut akornanniissaaq. Sulisuvut qaammammut 3.000 dollarsinik akissarsiaqarput. Taamaalilluta Paul qaammammut 5.000 dollarsinik akissarsiaqartissinnaavarput, Oleg Sjuravskij eqquiniaasitsisarfimmik piginnittut ilaat oqarpoq.

Arsaannermik nuarsuaq tamakkerlugu pissartanngorniunnermi Paul nuannarineqartorujussuanngorpoq, tassami Tyskit unamminissaat tamaasa eqqortumik eqqoriaramiguit, pissartanngorniutivinnermut anngunniulluni Spaniamut unammineq aallaat eqqoramiuk. Aamma taassuma Spania pissartanngortussatut eqqoriarpaa.

Sjuravskijip Paulip ineqarfia igalaamineq, Tysklandimi Oberhausenimiittoq 750.000 koruunilerlugu pisiarerusuppaa, taamaalilluni amikoq taqamut isilik pigilersinnaaniassagamiuk.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq