Amerlanerussutillit Mimip isumaa allanngortinngilaat

KNRip 10 millioner koruuninik tapiiiffigineqarnissaanik Inatsisartut aningaasaqarnermut ataatsimiititaliaata siuliuttaasuata Anda Uldum-ip Demokraatineersup siunnersuuteqarnera, Kultureqarnermut Naalakkersuisumit Mimi Karlsen-imit aaqqiigallarnerinnartut taaneqarput.

KNR-ip aningaasaqarniarnera aaqqigallarnerinnarmik suliarineqarneqarani, suliap iluamik aamma KNR-ip inissisimanera toqqissumik  siunissamullu isigisumik Naalakkersuisut sulinerat ingerlatiinneqartariaqartoq, Mimi Karlsen oqarpoq.

Inuit Issittormiut Siunnersuisoqatigiivinut aamma puisit amiinut tapiissutit katillugit 10 millioner koruunik ilanngarlugit aningaasat KNR-imut nuunneqarsinnaasut Anda Uldum-ip Demokratineersup aappaagumut aningaasanut inatsisissamut siunnersuutigaa. Siunnersuummut Siumut aamma Atassut tapersersuipput, IA isumaqataanngitsoq.

- KNR-ip siunnissaa ungasinnerusoq eqqarsaatigalugu aaqqiissutissanik Naalakkersuisut KNR-imilu siulersuisut misissuipput. KNR-ip aningaasaqarnera KNR-imilu allanngortiterinissat pillugit Naalakkersuisut KNR-imilu siulersuisut maanna misissuipput, Mimi Karlsen oqarpoq.

Taassumali erseqqinnerusumik oqaatigisinnaanngilaa KNR-imi aningaasat pisariaqartinneqartut sumit aammalu qanoq  iliorluni nassaarineqarsinnaanersut.

KNR-imi siulersuisut tulliani nalinginnaasumik septembarip 26-iani ataatsimiissaapput, tassanilu 2012-ip sinneranut missingersuutit 2013-imullu missingersuutit nutaat suliarineqassallutik.

-Maannakkut periusissanik suleriaasissanillu misissuisoqartoq Mimi Karlsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat