Amerikap avannaani naggueqatigiit Inuit corona virus qaangeriartulerpaat

Alaskamili killormut tunillatsitut amerlipput.

Nunarsuaq tamakkerlugu coronamik tunillaassuunneq aallartimmalli Nunavummi Nunavimmilu killilersuinerit sakkortuut atuutsinneqalerput, soorluttaaq aamma Issittup kitaani Inuvialunni taamaattoqartoq.

Nunavummi Nunatsiavummilu suli tunillatsittoqarnikuunngilaq. Nunavimmi inuit 14-it tunillatsinnikuupput, maannali tamarmik peqqissereerput.

Naggueqatigiit Inuit sumiiffigisaanni suli nualluummik toqquteqartoqanngilaq, pisorlu aqutaasumik ingerlanneqartoq oqartussat naliliigaluartut suli mianersortoqassasoq oqaatigineqarpoq.

Nunavimmi angalaqqusinnginnerit atorunnaarsinneqareerput. Ajunngitsumillu ingerlasoqarnera nuannaarutigineqarpoq. Kuujjuarmiullu sapaatit akunnerata siuliani siusinaartumik juullisiortuusipput, Nunatsiaq News taama allaaserisaqarpoq.

Juullip inua malitsinilu lastbiilimut ilaallutik ulloq tamaat Kuujjuarmi angalaarsimapput, aammattaarlu nipilersuutinik juullisiutinik appisimaarsimaarlutik, inunnit nuannarineqartumik.

Pissutsilli Alaskami allaannerupput. Alaskap qiterpasissuani Inuit najugaqarfianni inuit katillugit 68-it coronamik tunillatsissimapput, toqusoqarsimanngilarli.

Alaskami tunillatsittut ullut tamaasa amerliartorput, amerlanerit naggueqatigiit Inuit najugaqarfiginngisaaniittut Alaskap kujasinnerusortaaniipput. USA-mi tunillatsittut amerlingaatsiarneranni Alaskami angalanissat killilersorneqarnerulerput.

Naggueqatigiilli Inuit maleruaqqusanik malinninnerat ajalusoornerup qaangiukkiartorneranik nassataqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat