Amerikamiut sinniisoqarfissaat Issittumi Sakkutooqarfimmiissasoq
Amerikamiut Nuummi sinniisoqarfissaata Issittumi Sakkortooqarfik illoqatigissavaa.
USA-p Danmarkimi aallartitaa, Carla Sands tusagassiuutinut sisamanngornermi taama nalunaaruteqartoq, Sermitsiaq allaaserisaqarpoq.
Amerikamiut sinniisoqarfissaanni, Sung Choi aallartitatut atorfeqassaaq, taanna sinniisoqarfissami siorna aqutsisussatut toqqarpoq.
AAMMA ATUARUK Carla Sands isumaqatigiissut pillugu: Kalaallit Nunaat USA-mut saniliussaaq nukittooq
Nunatta USA-llu akornanni suleqatigiinnerulernissaq Sung Choip suliassarilissavaa, massakkullu USA-p Danmarkimi aallartitaqarfiani nunatsinnilu paarlakaallugit sulisarluni, Nuummili sinniisoqarfissaq ammarneqarpat piffissap annersaani sulisalissaaq.
USA-p siusinnerusukkut oqaatigaa, sinniisoqarfissaq 2020-mi ammarneqassasoq, sulili ulluliisoqarani.