Alluitsup Paa atuarfittaarpoq
Alluitsup Paani atuarfittaaq sanatitsisunit Namminersorlutik Oqartussanit Kommune Kujallermut tunniunneqarpoq. Atuarfitoqaq oqulluni 2012-imi qimanneqartariaqarsimavoq.
Allattoq Mads Lynge
Atuarfittaassaq kommunip borgmesterianut Kiista P. Isaksenimut ullumi ullaap tungaani nalunaaqutaq qulinut tunniunneqarpoq.
Alltuitsup Paani atuarfissaq sulisunit atuartuniillu 17-init sivisuumik utaqqineqarsimavoq, maannali tassa tunniunneqarluni.
Atuarfitoqaq oqulluni iluarsaanneqartaraluarpoq, tamannali iluatsissinnaasimanani. Atuarfitoqaq tamanna pillugu 2012-imi qimanneqartariaqarsimavoq.
Namminersorlutik Oqartussat Alluitsup Paani atuarfittaamik sanatitsisuupput.