- Soorunami taamaassimassappat nuannaraara, kisiat uannut atorfilittannullu nalunaartoqanngimmat tusatsiakkatut tigussavara. Kisiat ilumoorsimappat uagutsinnut nuannertorujussuuvoq, neriuppungalu aalajangiussineq piviusunngortinneqarumaartoq, Simon Simonsen oqarpoq.
Naalakkersuisut suliniaqatigiiffinnik ataatsimeersuartitsineranni Nanu Børnip Kommune Kujalliullu suleqatigiinniarlutik oqaloqatigiinnerat aallartippoq.
- Arsaattarfimmut attuumassutilimmik
Meeqqanut inuusuttuaqqanullu sunngiffimmi sammisassaqartitsivimmik titartaatitsillutalu pilersaarusiornikuuvugut. Qinnuteqaat aamma nassiunnikuuarput, neriuutigaarpullu Nanu Børn tapiisinnaassasoq, borgmesteri oqarpoq.
Arsaattarfik ivigaaralik atulermalli Qaqortumi ajortuliornerit meeqqanit inuusuttuaqqanillu piliarineqartartut ikileriarsimasut, borgmesterip aamma oqaatigaa.