Kim Kielsen: Aleqap kreditkortimik atuinera akuersaarneqarsinnaanngilaq

Aleqa Hammondip danskit akileraarutaat atorlugit namminerminut atugassanik pisiniarsimaneranut Siumup siulittaasuat, Kim Kielsen maanna akuliuppoq.
Kim Kielsen
Kim Kielsen Assi © : Jonas Fievé/KNR
Allattoq Kenneth Elkjær
aggustip 22-at 2016 16:51
Nutserisoq Jens Thorin

Kim Kielsen tusagasiutinut ataasinngornermi ualikkut allagaqarluni allappoq, Siumup pisimasoq ataatsimiissutigisimagaa. 

Siumulli siulittasuata ulluinnarnilu Aqutsisut ataatsimeereerlutik inerniliuppaat.

- Folketingimi ilaasortap Aleqa Hammond –ip Folketingimi kreditkortini atorlugu imminut aningaasanik atuinera akuersaarneqarsinnaanngitsoq, tamannalu pillugu paasissutissat ersarinnerusut pissarsiarineqareerpata Siumup Siulersuunerinit suliaq ingerlateqqinneqarumaartoq, Kim Kielsen allappoq.

Aleqa Hammondip Folketingimi kreditkortini atorlugu nammineq atugassaminik ilaatigut Starkimi Brugsenimilu juunimi  juulimilu pisiniartarsimasoq, aviisip Ekstra Bladetip sapaatiummat qulaajarpaa. Inuttaa aajornartoorsimalluni Facebookikkut allappoq, Folketingillu allaffeqarfianik isumaqatigiissuteqarluni taamaaliorsimalluni.

- Juunimi kortikka itunes aqqutigalugu annertuumik atornerlunneqarsimapput qujanartumik bankima paasisaanik sukkasuumillu iliuuseqarfigisaanik. Matuneqartariaqarlutik nutaanillu qinnuttariaqarlunga. Folketingimiit mastercardeqartinneqarpunga aallaqqaataaniilli kisiannili atunngisaannarsimasannik, ajornartoornermi atortariaqarakku allaffeqarfik ilisimatippara paaseqatigiipugullu pisoq pillugu, Aleqa Hammond Facebookimi allappoq..

Aleqa Hammondip Folketingip allaffeqarfiani aningaasaqarnermut pisortaq ataasinngornermi ataatsimeeqatigaa. Inerneraalu Hammondip 12.983 koruunit, kreditkortikkut atorsimasani, utertissagai. Aamma malittarisassat eqqortumik paasisimanagit nassuerutigaa.

- Folketingip kortianik ajornartoorninni atuinera ataatsimiinnermi ajuusaarutigeqaara, malittarisassanik naapertuisuusoralugu kukkusumik paasisimagakku,  Aleqa Hammond tusagassiutinut ataasinngornermi allappoq.

12.983 koruunit Folketingimit akissarsiassaanit tullerni ilanngaatigineqassapput.

Ekstra Bladet kunne søndag bringe en oversigt over, hvad Aleqa Hammond har brugt sit kreditkort til i en periode på cirka tre uger. KNR har fået lov til at bringe oversigten: