Aleqa: Tunuliaqutarisanit akerlilerneqarneq ingerlalluartoqarneranut ersiutaavoq

Aningaasanut inatsisissap aappassaaneerneqarnerata kingorna naalakkersuisooqatigiit iluanni avissaartuunneq ersarittupilussuanngorpoq. Tamannalu Aleqa Hammondip ingerlalluartoqarneranut ersiutaanerarpaa, oqallinnerillu matoqqasumik ingerlanneqaratik ataatsimiittarfimmi pinissaaq tupaallannartumik naqissuserlugu.

Atassutip akileraarutinik qaffaasoqarnissaa siunnersuutigaa, naak Naalakkersuisut tamanna isumaqataaffiginngikkaluaraat. Inissianik akitianillu piginneqataassutinik tunisinissamik siunnersuutit Siumup Inatsisartuni ilaasortaatitaata itigartippaat GA-llu sanaartornermut nutarterinermullu aningaasaateqarfiup aningaasaataanik sulisitsisoqarnissaanik siunnersuutaa ilalerlugu. Taamatut siunnersuuteqarneq siulittaasup Aleqa Hammondip oqaatigisaata akerlerluinnaraa.

Avataanit isigalugu paatsiveqarpasinngilaq, nunattali siuttuata isumaqatigiinngissuteqarneq ingerlalluartoqarneranut ersiutaanerarpaa.

- Naalakkersuisummi Inatsisatullu assigiinngitsuupput. Inatsisartut nammineerlutik pingaarnersiunissaminnut pisinnaatitaapput, taamaattussaavorlu, Aleqa Hammond oqarpoq.

Naalakkersuisut siunnersuutigisassatik tunuliaqutarisatik peqatigalugit eqqartuisimannginnerat eqqumiiginarpoq, taamaaliornikkummi aningaasanut inatsimmik taama pingaaruteqartigisumik saqqummiussinermi tunuliaqutarisanit taperserneqarnissaq qulakkeerneqarsinnaassagaluarmat.

- Imaanngilaq parteeqatigeeriaratta suut tamaasa isumaqatigiissutigiuaannassagigut. Oqallinneq pitsaasuuvoq, taamaaliornikkullu illuatungeriit tamarmik naammagisinnaasaannik aaqqiissutissamik nassaarsinnaaniassagatta.

Inatsisartuni gruppini eqqartuisoqareeraangat ataatsimiittarfimmi aatsaat saqqummiussisoqartarnera ileqquugaluarpoq. Ilaatigut naalakkersuisut siunnersuuteqarnermini nammineq tunuliaqutarisaminit taperserneqanngitsuunnginnissaa qulakkeerniarlugu. Tamannali naalakkersuisooqatigiinnut tunngatillugu tamatigut taamaattoqartanngilaq.

Naalakkersuisooqatigiit iluanni pisunut tunngatillugu sooq ataqatigiinnerusumik sulisoqanngila?

- Oqallinnerit tamaasa Inatsisartuni pinissaat pitsaasutut isigigatsigit. Aamma isumaqaratta suut itisilerluarlugit eqqartorneqarnissaat pitsaalluinnartoq.

Aningaasanut inatsisip pingajussaaneernissaata akuersissutigineqarnissaatalu qanillinerani nalorninarsinnaasut suli arlaqarpasipput. Taamaammat apeqqut ataaseq nunatta siuttuanit akeqqunaraluaqaaq.

Aningaasanut inatsisip pitsaasuunissaa eqqarsaatigilluakkamillu suliarineqarsimanissaa qanoq ililluta upperisinnaavarput?

-Aningaasaqarnermut ataatsimiititaliap suliaa pitsaasoq tatigilluinnarakku. Aamma taasisitsinerit pisartut siammasissuuneri, siammasissumillu paaseqatigiilluni pisarineri takusinnaagakkit, aamma ataatsimiititaliap isumaliutissiissutaa aqqutigalugu, taamaammat Inatsisartut pisussaaffimmittut iliornasoraakka.

Naalakkersuisullu aningaasanut inatsisissamik suliaqarnerat Inatsisartut naatsorsuutigisaannut naapertuunnersoq piffissaq takutiinnarumaarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat