Aleqa, taamaattoqanngilaq
Nunani Avannarlerni naalagaaffimmi pisortat naalakkersuisullu siulittaasuisa USA-mi præsidenti, Barack Obama, Stockholmimi ippassaq unnukkut neqatigaat, Kalaallit Nunaanniilli peqataasoqanngilaq.
Tamanna Naalakkersuisut siulittaasuata, Aleqa Hammondip, kamaatigaa. Namminersorlutik Oqartussat inatsisaat innersuussutigalugu Aleqa Hammond isumqarpoq, Kalaallit Nunaannit peqataasoqarsimasussaagaluartoq, ministeriunermi Helle Thorning-Schmidt Barack Obamalu sivikitsukullammik ataatsimiimmata Issittoq ullormut oqaluuserisassanut ilaammat.
Statsministeqarfimmilli nutaarsissaqartitsivimmut Ritzauimut allakkatigut maanna oqaaseqarput, allallutik "Kalaallit Nunaata sunut peqataasinnaaneranut tunngaviusut malinneqareersut, soorlu ataatsimiinnerni massakkut pisutut ittuni tamakku malinneqarlutik".
- Kalaallit Nunaata kissaatini pisumi uani soqutigineqanngitsutut nalilermagit
ajuusaarnaqaaq. Pingaartumik Danmarkimit isumaqaratta, ataatsimiinnissaq una piareersaratsigu Kalaallit Nunaata ilaanissaa Danmarkimit sapinngisarput naapertorlugu sulissutigisimagatsigu, ministeriuneq Helle Thorning-Schmidt naatsumik oqarpoq.
Nunat tamat ataatsimiinniaraangata Kalaallit Nunaata peqataasarnissaa qallunaat naalakkersuisuisa pingaartippaat - pingaartumik Kalaallit Nunaat Issittorlu oqaluuserineqassagaangata, ministeriuneq oqarpoq.
Taamaammat Issittoq pillugu nalunaarutit pingaarnerit pillugit Kalaallit Nunaat Savalimmiullu ataatsimiinnissaq sioqqullugu Danmarkimit ilisimatinneqarput.
Statsministereqarfmmit oqaatigineqartut naapertorlugit Issittoq ataatsimiinnermi pingaarnertut eqqaaneqarpoq. Isumaqatigiinniartoqarsimasoq oqarsinnaanngilavut.
Statsministereqarfimmit ilanngullugu oqaatigineqarpoq, "Kalaallit Nunaat ataatsimiinnerni taamaattuni siusinnerusukkut peqataasarsimanngimmat, peqataanissamik kissaateqaraluarnerata akuerineqarnissaanut periarfissaqarsimanatik.
