Aleqa pillugu paasissutissat ingerlateqqinneqarneri ajuusaarutigineqartoq
![](/sites/default/files/styles/image_934x467/public/article_images/img_0578.jpg?itok=QO6hhukp)
Allan Blomip, Folketingimi Aningaasaqarnermut pisortap, Aleqa Hammondip danskit aningaasaataannik atorsimaneranik paasissutiassat ingerlateqqinneqarsimaneri ajuusaarutigaa.
Aamma atuaruk Aleqap aningaasat utertinniarpai
- Erseqqissaatigissavara ajuusaarutigilluinnaratsigu paasissutissat tusagassiortunut ingerlaqqinneqarsimaneri, Allan Blom Siumut tusagassiuutinut nalunaarutaani allappoq.
Aleqa Hammondimit isornartorsiorneqarnerata kingorna taamak oqariartuuteqarnera pivoq.
- Ajoraluartumik allaffeqarfimmiit allaqatigiinnerput kukkusumik susassaqangitsumut kopeerneqarsimapput taassumalu ekstrabladet tusagassiortuinut ingerlateqqissimavaa. Uannit allaffeqarfimiillu ajuusaarutigineqaqisumik, Aleqa Hammond sapaammi allappoq.