Aleqa Hammond: Taamaammat avaleraasartuut pillugit isumaqatigiissut peqataaffiginngilarput
- Savalimmiut, Norge EU-lu akunnerminni isumaqatigiinniarsinnaatitaaffeqarput, tamanna ataqqissavarput nunatsinnit - nunat taakkua isumaqatigiissuteqarnerat Kalaallit Nunaata akuleriffigisinnaanngilaa, Aleqa Hammond oqarpoq.
![](/sites/default/files/styles/image_934x467/public/article_images/1-billede_0.jpg?itok=UtOwOb2k)
Allattoq Jaaku Lyberth
- Savalimmiut Norge EU-lu avaleraasartuut pillugit isumaqatigiissuteqarnerinut Kalaallit Nunaat akuliunnavianngilaq aamma taama pilersaaruteqartoqanngilaq, Naalakkersuisut siulittaasuat Aleqa Hammond oqarpoq, illuatungiliuttut partiiannit IA-mit avaleraasartuut pillugit isumaqatigiissuteqartoqarnermi Naalakkersuisut iliuuseqarsimanginnerarlugit pisuutitsinerisa kingorna.
Savalimmiut, Norge EU-lu avaleraasartuunik aalisarnissamik isumaqatigiissuteqarput. Nunat isumaqatigiissuteqartut - Kalaallit Nunaanni avaleraasartassanik aalisarsinnaanngillat.
Avaleraasartoorniarneq pillugu isumaqatigiissut IA-p Atassutillu pakatsissutigigaat
- Isumaqatigiissuteqarnermi Kalaallit Nunaat tunuarsimaarnerarlugu illuatungiliuttut partiiat IA isumaqarpoq. Nunat allat avaleraasartuut pillugit isumaqatigiissuteqarsimanerat ataqqissavarput. Naalakkersuisut siulitttaasuat Aleqa Hammond taama oqarpoq.
Avaleraarsartuut pillugit isumaqatigissuteqarnermi tamanna Kalaallit Nunaannut pitsaasuunngilluinnartoq akuersaarneqarsinnaangilluinnartuusorlu illuatungiliuttut partiiannit IA-mit oqaatigineqarpoq Naalakkersuisut isumaqatigiissummut piaarnerpaamik avoqqaarliuteqassasut kaammattuutigineqarluni.
Aleqa Hammondip ilanngullugu erseqqissaatigaa Kalaallit Nunaata avaleraarsartuunik misileraalluni aalisarnermi uppernarsartariaqaraa avaleraarsartuunik aalisarneq imminut akilersinnaasoq aamma Kalaallit Nunaata suli angunngimmagu avaleraasartuunik aalisagartassiinissaq.
Sara Olsvig: Avaleraasartuut pillugit isumaqatigiissut kalaallit soqutigisaannut naapertuutinngilaq
IA sinnerlugu folketingemi ilaasortap Sara Olsvigip ernumassutigaa isumaqatigiissutip Kalaallit Nunaannut naleqqutinngitsuunera Savalimmiunut iluaqutaasussamik Kalaallit Nunaannulli naleqqutinngitsumik isumaqatigiissuteqartoqarsimappat Danmark ajornartorsiuteqalissammat, tamanna pillugu Naalakkersuisut siulittaasuat ima oqarpoq.
Silap pissusaata allanngoriartorneratigut aalisakkat nutaat takkussuupput taamaattumillu taakkua pillugit oqallittoqartariaqartoq