Aleqa Hammond Siumukkormioqatiminit taperserneqarpoq

Nunatta Isittumi Siunnersuisooqatigiinni aalajangersimasumik peqataatinneqalernissaa tamakkiisumillu aalajangeeqataasinnaanissaa oqalussinnaatitaanissaalu Kristian Jeremiassenip piumasaraa. Aleqa Hammondip tupaallaatigineqartumik peqataaniarani nalunaaruteqarnerata kingorna, nunap maanna siulittaasuutitaasup Canadap nunallu siulittaasuutitaasimasup Sverigep oqaatigisaat naapertussagaanni, Jeremiassenip taamatut ingerlaannaq pisoqarnissaa naatsorsuutigisinnaassagunanngilaa.

-Naalakkersuisut siulittaasuata taamatut aalajangernera pissusissamisoorpoq sunniuteqarnerusumillu ataatsimiittarfimmi peqataanissaq ilumoorullungu siunnissimangaa takuneqarsinnaalluni, tamannalu apeqquserneqartariaqanngilarluunniit, issittumiippungummi, Kristian Jeremiassen isumaqarpoq.