VIDEO Aleqa: Assumut ingerlanissannut nukissaqarpunga
Naalakkersuisunut siulittaasuusimasoq Aleqa Hammond Folketingimut qineqqusaarnermini tamanna Qanoruumi ippassaq toqqaannartumik aallakaatitsinermi oqariartuutigaa.
Aleqa Hammondip Nunatta karsia akiliissutitut atortarsimagaa ukioq kingulleq septemberimi saqqummerpoq, 106.363 koruuninik taarsigassaqalersimalluni.
Politikkip silarsuaani assumut ingerllerpoq, naggataatigut siulittaasutut tunuartariaqarluni.
Aamma atuaruk Aleqa Hammond Folketingimut qinigassanngortippoq
Naalakkersuisunut siulittaasutut ukioq kingulleq tunuartoq, Aleqa Hammond, politikkimit tunuarallarsinnarluni folketingimut qineqqusaartoqalermat Siumut sinnerlugu qinigassanngortilluni sassarpoq. Politikkimilu assoralisimaarsimanini ima oqaaseqarfigaa:
- Isumaqarpunga qinersisartut aalajangiinerat ataqqissallugu aamma takussallugu qanoq naliliinersut. Taamannak oqareerlunga isumaqarpunga inuiaat kalaallit pisariaqartikkaat, inuit assoralisaarsinnaasut aammalu nunarput sinnerlugu sulisinnaasut, anguniagaqarsinnaasut aamma assoralisimaarnissamut nukissaqarsinnaasut Nunatta pisariaqartikkai, Aleqa Hammond KNR-imut oqarpoq.
Aamma atuaruk Qulaarpaa Uppernarsaatit: Akisunermi angalanerit, nerinerit unnuakkullu barimiinnerit
Isumakkeerfiginninneq pipallareerpoq
Siumumi siulersuisuunerit qinigassanngortittussat sivisuumik oqaloqatigiissutigereerlugit ippassaq saqqummiukkamikkit, qinigassanngortittut nalilersorneqarnerini oqaloqatigiinnerit imaannaasimanngitsut Siumup siulersuisuunerini siulittaasup tulliata aappaata, allattaanerullu, Mikael Petersenip oqaatigaa.
Minnerunngitsumik Aleqa Hammondip politikkimut uternilermat partiiata pisimasut isumakkeerfigipallassimavaat.
- Siumukkormiuvissuuvunga aamma siumukkormiut inuit sapiittorpassuit akornanni ilaavunga. Nuannaarutigaara siulersuisuunerit ataatsimoorlutik inassutigimmannga. Siumup qulakkeerusuppaa Nunatta sinniisussai nukittunerpaat sassartinneqassasut, Aleqa Hammond oqarpoq.
Aamma atuaruk Pituffimmi kiffartuussinissamik isumaqatigiissuteqarneq Naalakkersuisut siulittaasorisimasaata ilisimasarfigisimavaa
