Aleqa aalajangerpoq
Inatsisartunut qinersisoqareernerata kingorna sapaatit akunnera ataaseq qaangiuttorlu naalakkersuisooqatigiinnik nutaanik nassaartoqarpoq. Partiit pingasuusut, Siumut, Atassut nunatsinnilu partiit nutaajunersaat Partii Inuit naalakkersuisooqatigiilissapput.
Naalakkersuisunngortitsineq knr.gl-imi kingusinnerusukkut sammeqqissavarput.
Allattoq Peter Troelsen, Simon Uldum
Kikkut naalakkersuisuulissanersut tallimanngorpat aatsaat avammut saqqummiunneqassaaq. Qinigaasinnaatitaaneq pillugu ataatsimiititaliap Naalakkersuisunut ilaasortanngortussarpassuit akuereqqaartussaassavaat. Tamanna qinersinerup inaarutaasumik akuerineqareernerani pissaaq.