Alcoamut akerliusut oqallinnissamut aggersaapput
Paasissutissiisarfiup Greenland Developmentip Alcoap aatsitsiviliorniarnera pillugu paasissusiissutigisai naammanngitsut illutungiuliuttut isumaqarput. Avatangiisinut kinguneriumaagassai aammalu sulilersussat amerlassusissaat erseqqissumik paasissutissiissutigineqannginnera illuatungiliuttut oqallitsitsinermi saqqummiunniarpaat.
Aalajangernerup kingunipiluutigisinnaasaanik inuiaat Kalaallit qinikkallu tutsuiginartumik toqqammavissinneqarsimanersut illuatungiliuttut paasineqarusuppaat.
Maniitsumi nunaqqatigiittut ataatsimoornerup innarlinnginnissaa aamma
tamat oqartussaaqataanerisa tunngavii tamatigut atuutsinneqarnissaat illuatungiliuttunit anguniarneqarpoq.
Alcoap alumiiniumik aatsitsiviliorniarneranut akerliullutik illuatungiliuttut, politikerinit siutinngulaarnarineqarput.
- Nuummi soqutigisaqaqatigiiffiit inuinnaallu uagut qulaatiinnarluta oqaluttuarput aluminiumik aatsitsivissaq uagutsinnut qanoq ajortigissasoq,
Qeqqata Kommuneani borgmesteri, Hermann Berthelsen, aamma Siumumeersoq, peqatigalugu, Karl Lyberth taama allappoq.
- Nammineq inuttut qilanaarpunga Maniitsumi aluminiumut aatsitsiviliornissamut akerliusut qanoq oqariartuuteqarnersut tusarnissaannut -taakku piviusorsiortumik oqalliseqataanissaat ilimanarmat, Karl Lyberth oqarpoq.
Alumiiniumik aatsitsiviliornissamut illuatungiliuttut Maniitsumi innutaasunut unnugu arfineq-marlunut ATI-imi oqallitsitsissapput.
Oqallitsitsinissamut Greenland Development politikerillu arlaqartut aggersarneqarput.
