Albaniami nunap sajunneranit inuit arfinillit ajunaartut
Albaniami nuna unnuaq sajummat inuit amerlaqisut aqqunartiterput. Tiranap kitaatungaani nuna richterip nunap sajuttarneranut uuttuutaa naapertorlugu 6,4-mik sajuppoq.
Annaassiniartartut nunaqarfimmi Thumanemi Albaniap avannaani inissisimasumi illu aseruatitersimasoq salileruttorlugulu aniguisimasunik tassani ujaasileruttorput.
Allattoq Ritzau
novembarip 26-at 2019 13:44
Nutserisoq Bikki P. Kleist
Inuit ikinnerpaamik arfinillit ajunaarput, inuppassuillu aqqunartitersimanissaat aarleqqutigineqarluni. Nunap sajunnera aatsaat taama ajortigisumik aseruivoq - illorpassuimmi aseruatitersimapput.
Naalakkersuisut oqaaseqartatitaasa nalunaarutigaat, illoqarfimmi Durrësimi eqqugaanerpaasimasoq, videomik immiussanit takutinneqarpoq illorpassuit nakkaassimasut inuillu pingasut mattussaasimallutik.
- Qatserisartut sakkutuullu mattussaasimasunik maanna ikiuisut, illersornissaqarfimmeersoq oqaaseqartartut nalunaaruteqarpoq.
