Alaskami timmisartoq nakkarmat sisamat ajunaarput
Timmisartuni issimasut sisamat tamarmik toqutaasut, sakkutuut timmisartortartut oqaaseqartartuat oqarpoq.
Timmisartoq C-17 orpippassuaqarfimmut mittarfiup qangattarfigisami kilometerialuttut ungasitsigisaanut nakkarpoq.
Elmendorfip sakkutooqarfianit Anchoragemiittumit nalunaarutigineqarpoq timmisartup nakkarnerata nalaani inuttat sisamat sakkutooqarfiup 3. Wing-aneersut timmisartumi issimasut.
- Issittumi sorsuttattoqativut sisamat annaavagut, annaasaqarnerpullu sakkutooqarfimmi tamarmi malugineqarsinnaavoq, oberst John McMullen, 3. Wing-imi sakkutuut qullersaat oqarpoq.
Ajunaartut pingasut Alaskami Nationalgardeniminngaanneerput, tassa Alaskap illersornissaanut sakkutuuanit, sisamaalli sakkutuujusimavoq sorsukkiartitaasinnaasoq.
Ajunaarneq pivoq sakkutooqarfiup sapaatip akunnerata naanerani tamanut ammaatigaluni, sakkutuut timmisartunik takutitsinissaa nuannarineqartoq, Arctic Thunder, sioqqullugu. Timmisartut arlallit takutitsinissamut piareersarneqarneqarsimapput, erseqqissumilli paasineqanngilaq timmisartoq nakkartoq, timmisartunik takutitsinermi ilaasussaasimagaluarnersoq.
