Alaska sakkutuujusimasut ornigivaat
Vietnamimi sorsunneqarnerata nalaani sakkutuujusimasut Alaska ornigisimaqaat, taama aviisi asbury Park Press allaaserisaqarpoq.
1960-kkunni 70-kkunnilu sakkutuujusimasut inuit 70.000-t missaanniittut Alaska nunatut eqqissisimanartutut ornigalugu nuuffigisarsimavaat, minnerunngitsumillu sakkutooqarfimmut qanittuunera pissutigalugu.
Sakkutuujusimasunut iluaqutaasimavortaaq sakkutuujusimanertik pissutigalugu Alaskamiinnerminni akeqanngitsumik nakorsarneqarsinnaallutillu isumaginninnikkut ikiorserneqarsinnaasaramik.
- Alaska inissaqarluarpoq, piumagaanni pinngortitamut qanittumut nuuttoqarsinnaavoq inunnillu allanik takorusunngikkaanni ukioq ataaseq nunami inoqanngitsumi najugaqartoqarsinnaalluni, taama oqarpoq sakkutuujusimasunut ikiortaasoq.
Aviisilu allaaserinnittoq naapertorlugu Alaskami najugallit inersimasut akornanni inuit 17 procentii Vietnam-imi sakkutuujusimasuupput.
