Akunnittarfiutilik: Kalaallit nuannaraagut
Polar Amarumi, Islandermiut ilisimatussutsikkut misissuineranni peqataasumi, inuttat akunnittarfimmut Hotel Hildibrandimut qaaqqusaasimasut Islandimi nutaarsiassaqartitsivik visir.is allaaserisaqarpoq.
Akunnitarfiutilik Hákon Guðröðarson kalaallinik neriartoqqusisuuvoq.
Akunnitarfiutillip oqaluttuaraa Polar Amarumi inuttat akunnittarfimmi unnuisarsimasut. Birnalli pillugu suliap kingorna inuttat umiarsuarmiiginnartalersimapput illoqarfissiornissaminnullu tunuarsimaalersimallutik. Tamannalu Hákon Guðröðarsonip allanngortikkusussimavaa.
- Taamaaliornikkut erseqqissarusupparput taakkununnga tikilluaqqusinerput tunniusimanerpullu. Nerisatik nuannaarutigeqaat suliartoqqileramillu ataasiakkaarlutik assamminnikkut qujallutik, Hákon Guðröðarson visir.is-imut oqarpoq.
Islandimiut ammassat pillugit ilisimatusaqqittut Polar Seafoodip kilisaataataata Polar Amarup ikiorpai.
AAMMA ATUARUK Ammassat pillugit ilisimatusaqqittut Polar Seafoodip kilisaataataata ikiussagai
