Akueraat allanngortikkusulluguli
SIK aamma aatsitassanut naalakkersuisoq Ove Karl Berthelsen oqaloqatigeeqattaarput suliniutinut angisuunut inatsisip akuerineqanngitsiarnerani. Inatsit, suliniutini angisuuni akissaatitigut sulinermilu atukkanik sinaakkusiisussaq SIKp taperserpaa. Piumasaqaqqissinnaanertilli SIK-p siulittaasuata Jess G. Berthelsenip ilimasaarutigaa.
- SIK-p piffissaq annertooq atorsimavaa suliniutini annertuuni inatsisip suliarine-qarneranut. Suliassaq tamanna uagutsinnut assut pingaaruteqarsimavoq, socaldumpingimimmi Nunatsinni pilersitsisoqannginnissaa uagutsinnut pingaaruteqarsimaqimmat. Pisinnaasarput tamaat atorniarsimavarput socialdumpingimik pilersitsisoqannginnissaanut, Jess G. Berthelsen ukiortaami oqaaseqaammini allappoq.
- Inatsit maannakkut akuerineqartoq imaanngilaq pitsaanerpaatut isigigipput, oqariartorpugulli inooqataaffigisinnaallugu. Aamma taama isummersimanerput qimarratiginianngilarput. Soorunami Inatsimmi aaqqitasaqarpoq, neriuppugullu aaqqitassat ukioq 2013-mi aaqqinneqarsinnaajumaartut. Uagummi piffissaq atorususimanngillarput Inatsisissamut kinguatitsisoqarnissaanut - kisiannili sunniuteqarnissatsinnut, Jess G. Berthelsen oqarpoq.
Taassuma Siumut isumaqatigaa piumasaqarmat aatsitassat nunatsinniit anninneqartut akileraaruserneqartariaqartut. Taamaattumik SIKp naalakkersuisut inappai Norgemi aatsitassanut inatsit misissuataaqqullugu kattuffiup naliliinera malillugu inatsit taanna nunarsuarmi pitsaanerit ilagimmassuk.
