Akitsuutitigut artukkiinissamik oqarneq inissaminiissorinngikkaa
Karl-Kristian Kruse Naalakkersuisut aalisarnermi isumalluutinut akitsuusersuiniarnerannut akisussaaqataasutut KNAPK-mit sakkortuumik pingasunngormat isornartorsiorneqarpoq.
AAMMA ATUARUK KNAPK-p Kruse sakkortuumik isornartorsioraa
Aningaasaqarnermut naalakkersuisoqarfik akitsuusersuinissamik siunnersuusiortuusoq, Karl-Kristian Krusep erseqqissaatigaa, Naalakkersuisulli siunnersuutaat naalakkersuisuni ataatsimiinnermi akuerineqaqqaarlutik Inatsisartunut oqaluuserisassanngortinneqartartut oqaatigaa.
Naalakkersuisullu aningaasanut inatsip oqimaaqatigiissitsiffiunissaa siuliassarigaat, Karl-Kristian Kruse oqarpoq.
- Naalakkersuisut sulineranni ajunngitsup tungaanut ingerlanissamik, oqimaaqatigiissumik ingerlanissamik siunertaqarmat, Karl-Kristian Kruse oqarpoq.
KNAPK naapertorlugu, akitsuutit amerlinissaat soraarnerussutisiaqarnissamullu pinngitsoornani akiliuteqartarnissaq aalisartorpassuit t inuussutissarsiorunnartariaqalernerannik kinguneqassapput.
Sulisitsisut Peqatigiiffiat akitsuutinut aamma isornartorsiuereerpoq, Inatsisartullu aningaasaqarnermut akileraarta
rnermullu ataatsimiititaliaata akitsuutit qaffasissusaat ernumanartoqartillugu allaaserereerlugu.
AAMMA ATUARUK Aalisakkat annerusunik akileraaruserniarneqarneri ataatsimiititaliap isumakuluutigigaa
AAMMA ATUARUK Aalisarnermi akitsuutit nutaat isornartorsiorujussuarneqartut
Karl-Kristian Kruseli isornartorsiutinut isumaqataanngilaq.
- Akilersinnaasumik ingerlasinnaanissaa aatsaat isikkoqartillugu akitsuusiisarnermi atuutissiatut taanna suliaq ingerlanneqarpoq. Isumaqarpunga artukkiinissamik oqariartorneq taanna inissaminiinngitsoq, aalisarnermut naalakkersuisoq, Karl-Kristian Kruse, oqarpoq.
Aalisarnermi isumalluutinik atuinermut akitsuutinut siunnersuutip Inatsisartunit novembarip ulluisa 14-ianni pingajussaaneerneqarnissaa pilersaarutaavoq.
