Akiliisinnaajunnaartut inissiassaat sanaartorniarneqalerpoq
![](/sites/default/files/styles/image_934x467/public/article_images/boliger_630_4.jpg?itok=i7qZZX83)
Inuit inigisaminnit anisitassanngortut allamut inissikkallarneqarsinnaagaangata politiit aatsaat ikiuukkumasarput.
- Uani una eqqaamasassaavoq, anisitaasussat eqqartukkavut tassaapput inigisaminnut akiliinissaminnut akissaqaraluarlutik akiliinngitsoortartut anisitaasussat, Jens B. Frederiksen Nuuk TV-mut oqarpoq.
Inigisaminnit anisitaasimasunut angerlarsimaffiliassaq aaqqiissuttaaginnarallassaaq. Taamaammat siniffinnik quleriiaaqassaaq, ataatsimut isersimaarfissaqassalluni inunnullu kisermaanuinnaq atugassiaassalluni.
Anisitaasunut oqqiffissami angutinut 40-nut arnanullu 20-nut inissaqassaaq, tassalu inuit katillugit 60-it inissaqassallutik. Taakku aningaasaqarniarnermikkut ajornartorsiutimik iluarsinissaasa tungaanut tamaaniikkallarsinnaatitaassapput.
Illussatut pilersaarut Kommuneqarfik Sermersuup akuerissappagu 2,5 millionit koruuninik akeqassangatinneqarpoq.