Akileraarutinik akiliiumanatik Italiamut qimaasartut unitsinniarneqarput
Taamaalilluni Nunat Avannarliit nunat immikkoortuinut imaluunniit naalagaaffinnut akileraarutinik akiliiumanani qimaaffiusartunut, 100-t sinnilinnik isumaqatigiissuteqarput.
Taamaalilluni Nunat Avannarliit nunat immikkoortuinut imaluunniit naalagaaffinnut akileraarutinik akiliiumanani qimaaffiusartunut, 100-t sinnilinnik isumaqatigiissuteqarput.
- Uagut Nunani Avannarlerni, ilaatigut Frankrig aamma USA peqatigalugit, paasissutissanik paarlaateqatigiittarnissamik nunarsuatsinni amerlanerpaanik isumaqatigiissuteqarpugut, Nunat Avannarliit ministerrådianni pisortaq, Islandimiu Halldór Ásgrímsson, nutaarsiassaqartitsivimmut Ritzauimut oqarpoq.
Taassuma San Marino-mut isumaqatigiissut, Parisimi Finlandip aallartitaqarfiani ippassaq atsiorpaa. Nunatta aamma Savalimmiut San Marino ukiarmili isumaqatigiissuteqarfigaat. Isumaqatigiissutit paasisitsiniaanermut Nunat Avannarliit ministerrådiata paasisitsiniaanerata ilagai.
Taamatut isumaqatigiissuteqarnikkut Nunani Avannarlerni akileraartarnermi oqartussat, akileraartartut ataasiakkaat, aningaasaatiminnik sumut inissiisimanersut aamma isertitaat misissuiffigisinnaalissavaat. Paasissutissat tamakku iluaqutigalugit akileraartarnermi oqartussat, akileraartartut Nunani Avannarlerni najugaqartut aningaasat isertitallu nalunaarutiginngitsoorsimasaat misissuiffigisinnaalissavaat.