Akileraarnaversaartut Maliinakkut eqqartorpaat
Ilaasortaasut ataasiakkaarlutik aningaasarsiornikkut unammilligassaat soorlu aamma nunat avannarliit atlantikoq ikaarlugu naalagaaffinnik akileraarfiunngitsunik isumatigiissutigisimasaannik suleqatigiissuteqarneq pillugu nalilersuineq avannaamioqatigiit aningaasaqarnermut naalakkersuisuisa oqallisigaat.
- Ullumi naalakkersuisoqatinnik ataatsimeeqateqarnerma inerneri naammagisimaapakka. Aamma ilaasortat ataasiakkaat aningaasaqarnermik ataqatigiissaarinissaq pillugu unammilligassaat maluginiarlugit nalunaarsorpakka. Ingammik maluginiarpara, sumi najugaqariaatsip ineriartorsimaneranik unammilligassagut nunani avannarlerni naalagaaffinnut assigulluinnartut, Maliina Abelsen oqarpoq.
Kalaallit Nunaat assigalugu, nunani avannarlerni naalagaaffiit arlaqartut atugarissaarnerup kinguaariit tullissaannut qulakkeerneqarnissaat anguniarlugu pilersaarusiorlutik aallartissimalersut, Maliina Abelsen-ip oqaatigaa.
Aningaasaqarnermut naalakkersuisut tullissaanik atatsimiinnissartik aappaagu juunip 20-iani pisussatut pilersaarutigaat.