Akiitsut isumakkeerneqarnissaat politikkikkut tapersersorneqarpoq
Taamatut periarfissaqalerpoq Inatsisartuni amerlanerussuteqartut IA-mit siunnersuut akuersissutigimmassuk, aappaagumut Naalakkersuisut pilersaarummik saqqummiissasut pilersaarusiorlugu savaatillit qanoq akiitsuminnit aniguisinnaanersut savaateqarfitsik tunigunikku imaluunniit kinguaariit tullianut ingerlateqqillugu.
Atuagagdliutit ullumi saqqummersoq taama allaaserisaqarpoq.
Demokraatit kisimik akerliullutik taasipput.
Akiitsut taamaatinneqartinnagit minnerpaamik savaateqarnerup siunissaa pillugu siunissamut ungasissumut isigaluni nalaakkersuinikkut isummertoqartariaqartoq isumaqaramik.
Demokraatilli inuit akiiligassaminnik akiliisinneqannginnissaannik isuma nuannarinngilaat.
- Suliffeqarfiup imaluunniimmi illup tunineqarneri akiitsut tamaasa peerneqarnissaat nuannissagaluaqaaq. Nunarsuarmili taamak ingerlasoqanngilaq, Michael Rosing siullermeertumi oqaluuserineqarnerani oqaaseqartartutut oqaaseqarnermini AG naapertorlugu oqarpoq.
