Tusagassiorfik: Aki-Matilda Høegh-Dam Folketingimut qinigassanngorteqqinnianngilaq

Siumut Folketingimut tullianik qinersisoqarnissaanut nutaamik qinigassanngortitsissaaq. Sermitsiaq. AG taama allaaserisaqarpoq.

Siumut sinnerlugu Folketingimut ilaasortaq Aki-Matilda Høegh-Dam, Siumumi sapaatit akunnerata naanerani siulittaasussarsiortoqareernerata kingorna Sermitsiaq.AG-mut taama oqarpoq.

Aki-Matilda Høegh-Dam Folketingimi aappassaa qinigaalluni maanna sulivoq. Taassuma nunatta Folketingimi ilaasortaatitaqarnerata isumaa takujuminaatsippaa.

- Nunatta Folketingimi ilaasortaatitaqarnissaata isumaa takujuminaatsippara, nunatta nammineq aalajangiisarnissaa kissaatigigatsigu. Naalakkersuisut minnerusutut inississanngikkutsigit, naalakkersuinikkut pissaanerup nunatsinniinnaq ingerlanneqarnissaa qulakkeertariaqarparput. Taamaammat takorloorpara siunissami nunatsinnut uternissara, nunatsinnilu sulinera nangillugu, taanna oqarpoq.

Politikkikkut suliani nunatsinni siunissami nangissallugu taassuma takorloorpaa.

Folketingimullu siunissami sassaqqissinnaanini aamma mattutinngilaa.