Akerleriissutissarsiorasi

Issittumi inuit ilisimasaat qangatoortuunerarlugit tusaanngitsuusaarnagit. Aamma Nunani killermiut ilisimasaat nunasiaatillit nipaattut oqaatiginagit, professor Minik Rosing oqarpoq.

Isumalioqqissaartartoq Michel Foucault oqarsimavoq, ilisimasaqarneq pissaanerusoq. Kisianni sunaluunniit ilisimasatut akuerineqanngitsoq aamma pissaaneqataasinnangilaq.

- Isumaqarpunga nunat inoqqaavisa ilisimasaat aammalu ilisimatuut ilisimasaat naliginnaasut immikkortikkunnaarnissaat pingaartuusoq, Københavnip Universitiani ujarassiornermik ilisimatooq professor Minik Rosing oqarpoq.

Taanna marlunngornermi avatangiisit sammineqarmata pingaarnertut oqalugiarpoq.

Piniartut ilisimatuullu pinngortitaq uumasullu pillugit asigiinngitsumik paasinnittartut tusallattaasarparput.

Professori naapertorlugu, inuit ilisimasaasa qangatut ilisimasaanerarlugit oqartarnerup kinguneraa, nunani killerni politikerit ilisimatuullu inuit ilisimasaannut tusaaniarneq ajormata:

- Issittumik tamatumanilu pinngortitamik kitaamiut ilisimatusariaasiat nunallu inoqqaavisa ilisimasaat immikkoortinneqaqqajaasarput. Aammalu nunat inoqqaaavisa ilisimasaat oqallinermi tunngavissatut isigineqassanatik. tamanna uggornarpoq, Minik Rosing oqarpoq.

Aammali nunat inoqqaavi tusaanngitsooqqajaasarput, nunani killermiut ilisimatusarfiini paasisat nunasiaatillit oqaasisut oqaatiginarneqartarlutik.

Assersuutigalugu ICC Canadap siulittaasuata tullia Violet Ford saqqummiigami oqaluttuaraa, issittormiut aalajangiiniarnerminni periaasiat qanoq nunani killermiorpalaartigilersimasoq, inuit nunasiaatigineqangikkallaramik nammineerlutik aalajangiiniarnermi periaasiat tunulliunneqarluni.

Taamaammat nunani tamalaani aalajangiisartut isornartorsiorpai, nunani killerni ilisimasat kisiisa tusaanerarlugit - nunallu inoqqaavisa ilisimasaat tusaannginerarlugit.

Minik Rosing inatsivoq, ilisimasallit arlaannaalluunniit tusaajunnaassanngikkivut, nunani killerneersuneernerat piinnaarlugit.

- Pitsaaqutit suminngaanneerneri apeqqutaatinnagit åpigiliutariaqarpagut, Minik Rosing oqarpoq.

Aperaarpullu suna oqariartuutigineraa:

- Issittormiut oqarfigerusuppakka, ilisimasatik saqqummiuttassagaat, taavalu oqallissutiginissaanut ilersornissaannullu piareeersimallutik, taav taamaalippat silarsuarmik paasinninnitsinnut allatulli ilaalissapput, Minik Rosing oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat