Akeqanngitsumik Cubami tusarnaartitsisoqassaaq
Silami tusarnaartitsisoqassaaq, akeqanngitsumillu isertoqarsinnaassalluni.
Cubap nunallu killiit akornanni pissutsit aaqqikkiartornerannut takussutissat ilaat. Cubammi nunallu killiit akornanni pissutsit ukiuni kingullerni 50-ini pitsaavallaarsimanngillat, maannali aaqqikkiartorlutik.
USA-p præsidentia Barack Obama nuliilu Michelle Obama Cubamut pisortatigoortumik tikeraartussaapput, Roling Stonesikkullu tusarnaartitsinissaat ullunik pingasunik sioqqullugu pissalluni.
Cubami pisut nutaat, tassa USA-p præsidentia tikeraartoq rockimillu tusarnaartitsineq. Rockimimmi nipilersornerup isummanik naleqquttuusorinngisanik innuttaasunut siammarterinertut nunami tassani naalakkersuinikkut aqutsisut ukiut 50-it kingulliit oqaatigisarmassuk.
- Immikkuullarissuni assigiinngitsuni tusarnaartitsisarnikuuvugut, Havanamili tusarnaartitsinissarput oqaluttuarisaanitsinni pingaaruteqarpoq, Rolling Stones nittartakkaminni taama ilaatigut allaaserisaqarput.