Ajunaartoqarnerata kingorna nunaqarfimmiut ikiorserneqarnissamik neqeroorfigineqartut

Ikinngutigiit marluk, 18-inik 15-inillu ukiullit, Qeqertarsuatsiaat eqqaanni umiatsiamik atorsimasaminnik aqisserniartillutik angalanerat arfininngormat unnukkut alianaqisumik kinguneqarpoq.

Allattoq Karsten Sommer

novembarip 01-at 2016 07:42

Nutserisoq Simon Uldum -

18-inik ukiulik ajutoornermi umiatsiamit katataavoq aqqunarninilu kingorna toqussutigalugu.

Qeqertarsuatsiaani innuttaasut 200-t missaannaaniipput ajunaartoqarneralu nunaqarfimmiunut alianartupilussuusoq, Sermersuup Politiivini piareersimasut pisortaat Katrine Johnsen Ekstra Bladetimut taama oqarpoq.

Aamma atuaruk 18-inik ukiulik umiatsiarluni ajunaartoq

- Innuttaasut ikiorserneqarnissaat kommuni aqqutigalugu noqqaassutigineqarpoq. Nunaqarfeerannguuvoq innuttakitsoq, taamaammat ajunaartoq nunaqqataasunit tamanit ilisarisimaneqarpoq, Katrine Johnsen taama oqarpoq.

Nukappiaraq 15-inik ukiulik ajutoornermik takunnittuusoq ajoquserpiarsimanngilaq.

- Taanna ippassaq killisiorneqarpoq, ajutoornermulli tunngatillugu pasinartoqanngilaq, Katrine Johnsen oqarpoq, ilisimatitsissutigalugulu toqusumik misissuineq ullumikkut marlunngornermi pissasoq.