Ajunaarnersuaqartillugu kalerrisaarut Nuummi: Kukkuneruvoq
Kalaallit Nunaanni politiit ajunaarnersuaqartillugu kalerrisaarutip appinnera sumik peqquteqarnersoq paasiniarpaat.
Biilinut Nuussuarmi ikuallattunut upalungaarsimasut ornigupput.
Allattoq Hanna Vestergaard Hviid
septembarip 04-at 2023 15:04
Nutserisoq Najâraq Egede
Nuummi ataasinngormi ualiartoq ajunaarnersuaqarneranik kalerrisaarut appippoq.
Kalaallit Nunaanni Politiit qatserisartut peqatigalugit susoqarsimanersoq paasiniarpaat.
Nuummili najugallit ernumassutissaqanngitsut, politiit oqaatigaat.
Kommuneqarfik Sermersuup Facebookikkut nalunaarutigaa, teknikkikkut kukkusoqarsimasoq, aamma ajunaarnersuaqanngitsoq.
Kommuneqarfik Sermersuumi upalungaarsimasussaatitaasuni pisortaq Jes Danmgaard Andersen, Sermitsiaq.AG-mut oqarpoq, Nuussuarmi biilit ikuallattut nalunaarutigineqareersullu kalerisaarut ikinneqarsimasoq.
- Teknikkikkut kukkuneruvoq, pisussanngikkaluartoq. Taamaattumik manna paasiniarparput susoqarsimanersoq, aviisimut oqarpoq.
