Ajornartorsiutitsinnut aaqqiissutissanik amigaateqarpugut

Nikolaj Jeremiassenip Siumumeersup naalakkersuisoq Karl Lyberth aammaarluni isornartorsiorpaa. Jeremiassen ullumimut aqagumullu ajornartorsiutinut iluarsiissutissanik ujartuivoq, taamaattorli Lyberth tapersernerarpaa.
Allattoq Peter Troelsen, Simon Uldum
decembarip 03-at 2013 14:59

Nikolaj Jeremiassen, avannaani qinigaasoq, Kangaatsiami aalisartut tunitsiveqarnikkut ajornatorsiutaannut aaqqiissutissanik ilaatigut ujartuivoq. Aammattaaq akit appasissut tunisinermilu atukkat ilungersunartut navianartoqarsinnaasullu iluarsiissutissaannik ujartuivoq.

Aamma Niaqornaarsummi aalisakkeriviup matugallarneqarsimanera Jeremiassenip uparuartorpaa. Aalisakkerivimmi qaammatip aappa avillugu tarajorterutissaaleqineq pissutigalugu matoqqatinneqarpoq, novembarillu qiteqqunnera tarajorterutissanik piniartoqarsimagaluartoq aatsaat umiarsuarmik kingullermik decembarip 16-iani tikittoortoqartussaalluni.

Jeremiassenip inuup inuuneranik akeqartinnagu ajortorsiutinik iluarsiisoqarnissaa kissaatigaa, naalakkersuisullu Karl Lyberthip Royal Greenlandillu erngerlutik iliuuseqarnissaat piumasaralugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq