Air Greenland ukiuunerani billetinik tuniniaalerpoq
Kiffartuussinissamik isumaqatigiissut isumaqatigiissutigineqareersorlu 2016-ip ukiuunerani billetinik tuniniaaneq Air Greenlandip ammarpaa. Air Greenland tusagassiuutinut nalunaarusiaami taama allaput.
Angalanissanut pilersaarutit 2015-imut sanilliullugit allannguuteqanngillat, taamaalilluni kiffartuussinissamik isumaqatigiissuteqarnermi attuumassuteqartunut angallavissat 2016-imi taamaaginnassapput.
Aasaru angalanissamut billetit sapaatip akunnerata tulliani piareerneqarumaartut, Air Greenlandip aamma neriorsuutigaa.
Kiffartuussinissamullu isumaqatigiissutit naammassineqarlutik suliarineqarneri Air Greenlandip pisortaa oqiliallaatigaa.
- Kiffartuussinissamik isumaqatigiissutit niuernitsinnut pingaaruteqartorujussuupput, taamaattumik aamma nuannaarutigisorujussuuarput sumiiffinni kiffartuussinissamik isumaqatigiissummut attuumassuteqartunut 2016-imi timmisartuussissagatta, Air Greenlandimi pisortaaneq Michael Højgaard oqarpoq.