Air Greenlandip soraarsitani sulilerteqqinniarai
Kiffartuussinissamik isumaqatigiissutissatut siunnersuutaagaluartuni aallaaviugaluarpoq, nunatta kujataani angallassineq silaannakkuinnaq piunnaarluni immakkut annermik ingerlanneqalissasoq.
Taama aallaaveqarneq tunngavigalugu Air Greenland sulisunik 30-nik soraarsitsivoq. Taakkuali suliinnarsinnaalerput.
Aamma atuaruk Soraarsitsisoqarnissaa piffissami sivisuumi ilisimaneqarpoq
- Maannakkut kiffartuussinerit Air Greenlandimut tamarmik suliassanngulerpasimmata, kujataani ingerlatsineq ullumikkutut isikkoqartumik januaarip aallaqqaataanit aaqqissuuteqqittariaqarparput. Sulisorisavut atorfinitseqqittariaqarpagut, ingerlatsinerup nanginneqarnissaa pillugu inissianut attartornermut isumaqatigiissutit taamatikkaluakkavut attartoqqittariaqarpavut, Air Greenlandimi pisortaaneq, Michael Højgaard KNR-imut oqarpoq.