Air Greenlandimi ullumi ataatsimeersuassapput
Air Greenlandimi siulersuisut ualeru nalunaaqutaq pingasunut ataatsimeersuassapput.
Allattoq Inge S. Rasmussen
apriilip 25-at 2016 07:46
Nutserisoq Simon Uldum -
Ingerlatseqatigiiffik ilaatigut Namminersorlutik Oqartussanit pigineqarpoq, SAS-ituulli 37,5 procentinik piginneqataaffigalugu, danskillu naalagaaffiata Air Greenlandip 25 procentianik piginnittuuvoq.
Siulersuisuni siulittaasoq tassaavoq Jens Wittrup Willumsen, taannalu Air Greenlandip siulersuisuini 2011-miilli ilaasortaavoq.
Jens Willumsen aamma Julia Pars Namminersorlutik Oqartussanit toqqagaapput, tamatumalu saniatigut ilaasortat pingasut sulisunit toqqagaallutik.
Timmisartortitseqatigiiffik 2015-imi 1,2 milliardit koruuninik kaaviaartitaqarpoq akileraarutillu ilanngaatigereerlugit 60 millionit koruuninik sinneqartooruteqarluni.
Ataatsimeersuarneq Nuummi Katuami pissaaq.
