Air Greenlandip SAR-imut isumaqatigiissutit ajugaaffigigai
- Nutaarsiassaq nuannerluinnarpoq. 2019-imi aamma 2020-mi SAR-imut upalungaarsimaneq ullumikkutut suliarineqassaaq. Issittumi SAR-imut upalungaarsimaneq pitsaalluinnartuuvoq, Kalaallit Nunaanni ukiorpassuit misilittakkat malillugit ineriartortinneqarsimasoq. Taamaattumik timmisartortartut, amooruserisartut mekanikerillu sulisugut, ulluinnarni SAR-imik suliaqarnerup pitsaassusianik qulakkeerisartut nersualaarujussuarpagut, pisortaaneq taama oqarpoq.
AAMMA ATUARUK SAR-imut isumaqatigiissut sivitsorneqartoq
Ullumikkut SAR-imik suliaqarnermi qulimiguulik S61, Kangerlussuarmit aallaaveqartoq aamma Bell 212, Qaqortumit aallaaveqartoq atorneqarput. Air Greenland suliassanut timmisartortartunik mekanikerinik amoorutilerisunillu atorfeqartitaqarpoq.
- Ingerlatsivittut niuerfik uatsinnut pingaaruteqartorujussuuvoq. SAR-imut sullissinitsinni sulisugut suliassanut piginnaanngorsagaapput, aammalu isumaqatigiissutip pissarsiarineratigut taakku pigiinnarnissaat niuerfiullu ineriartortinneqarnerata ingerlaannarnissaa angusinnaalerparput. Jacob Nitter Sørensen naggasiivoq.
AAMMA ATUARUK Air Greenlandip suliamut isumaqatiissut annaasinnaagaa
SAR-imut isumaqatigiissutit 100 millionit koruuninik naleqarput.
Ukiunut tulliuttunut sisamanut tassa 2021-miit 2025-mut isumaqatigiissuteqarnissamut aamma neqeroorttsisoqarsimasoq, illersornissaqarfiup nittartakkamini paasissutissiissutigaa.
Suliffeqarfinniilli assigiinngitsunit neqeroorutigineqartut Illersornissaqarfimmut akisuallaarsimapput taamaammallu suliariumannittussarsiuussineq tunuarteqqinneqarluni. Ukiuni tulliuttuni marlunni aggersuni neqeroortitsisoqaqqikkumaarpoq.
