Air Greenlandip Nuummiit Iqalunnut aqqut matussanngilaa
Nuummit Iqalunnut illuanullu timmisartuussinerit tamaasa apriilimi taamaatikkitik Air Greenlandip ilaasunut apriilip aappaani nalunaarutigaa. Angallassiviup siumut naatsorsuutigineqariinngitsuimik akisunerunera ilaaasukinneralu tunngavilersuutigaa.
Tassalu Paninnguaq Boassen suleqatinilu suleqatinilu ataatsimiigiarnerminnut atatillugu Iqalunniittut ingerlariuaqqinaveerput.
Kisianni aqqummik matusigaluarneq Air Greelandimi kukkuneruvoq. Timmisartuutileqatigiit piujuartitsinermut attaveqatiginnermullu pisortaata tamanna nassuerutigaa.
- Uagut ilutsinni paatsooqatigiissimasugut, suut avammut nalunaarutigineqartussaanersut pillugu ilaasussanut taanna kukkusimagatsigu. Ajuusaarnarpoq, aap kukkusumik nalunaarfigineqarsimapput. Paasisinnaavakka sooq qisuariartut.
Tassalu Air Greenlandip Nuummiit Iqalunnut illuanullu sapaatit akunnerannut ataasiarluni oktobarip 22-ata tungaanut timisartuussiisarnissani aalajangiusimavaa.
Iqalunniit Nuummut angalaniartut qasseqqissaanersut Air Greenlandip oqaatigiumanngilai.
Ilaasut aaneqassasut
Eqqugaasullu uani sapaatit akunnerani utersinnaanissaannik nalunaarfigineqassaasut taanna erseqqissaavoq.
- Attavigineqarfigineqassapput eqqugaasut - angalasut sualummik, taavalu qaqugu ingerlaqqissinnaannerannut taanna aamma misissorneqarpoq. Naatsorsuutigivara ullup ingerlanerani aalajangerneqassasoq qaqugu ingerlaqqissanersut, Inga Dora G. Markussen pingasunngornermi oqarpoq.
Air Greenland Nuummiit Iqalunnut toqqaannartumik apriilip aappaaniit oktobarip 22-ata tungaanut timmisartuussisalerpoq.
Apriilimili angalasut taakkunanngalu isertitat ikippallaaqimmata Air Greenlandimullu aningaasartuutit isertitanut naleqqiullugit ikilppallaaqimmata nalilersuisoqarpoq. Timmisartuutileqatigiit allat angallassinerat atorlugu nammineq angallatassat angalatinneqarsinnaanerat ilaatigut misissorpaat. Taamaaliornissarli Air Greenlandimut akisuallaassaaq.
Kisianni angalaniarlutik billetsisereersimasut aamma arlaqarput:
- Taamaattumik nalilersuisimavugut pitsaanerussasoq toqqaannartumik timmisartuussineq ingerlatiinnassallugu, Inga Dora G. Markussen oqarpoq.
Taassuma nassuiaanera naapertorlugu Air Greenland pisussaaffeqanngikkaluarpoq ilaasut ingerlariaqqissinnaanngitsut kingusinaartulluunniit unnuiffissai, nerisaqarnissaatalu isumaginissaannik, nunatsinnili imaluunniit issittumili pissutsit nunarsuarmut allamut sanilliullugit allaanerummata namminneerlutik periuseq atuutsikkaat:
- Nalunngilarput issittumi nunallu isorartutiginera pissutigalugu angalaniarnerit ilaanni kipiluttunarsinnaasarmata taamaattumik inuit taamaatitsinermik eqqugaangaatsiartarlutik taamaattumik taasarparput angalanerit tamaa isumagineqarnissat Air Greenlandi isumagissavaa.
Air Greenland Nuummiit Iqalunnut toqqaannartumik angallassinerat Apriilimiit Oktobarip tungaanut atuutissaaq.
