Air Greenland Issittumi Sakkutooqarfimmut ikioqqusoq

Issittumi Sakkutooqarfiup qulimiguuliutaa S-61-eq atorniarpaa, ilaasussat ingerlariaqqissinnaajunnaarsimasut apuuffissaannut angallanneqarnissaat pilersaarutaalluni. Air Greenlandip niuernermut pisortaa Maliina Abelsen taama oqarpoq:

- Issittumi Sakkutooqarfik Upernavimmi angallassinermi ajornartorsiutit aaqqiivigineqarnissaannut ikiorsinnaaneraatigut Sakkutooqarfimmut apeqqutigaarput, aqagulu marlunngornermi akissutisinissarput utaqqivarput, Maliina Abelsen, Qanoruumut ippassaq unnukkut oqarpoq.

Aaqqiissutissatut tamanna atorneqarsinnaanissaa neriuutigigini Abelsenip oqaatigaa, S-61-immi qulimiguulinnut Bell 212-inut naleqqiullugit amerlanerusunik ilaasoqarsinnaapput.

AAMMA ATUARUK Napparsimmaviliarnissartik sivisuumik utaqqisariaqaraat

Ilaasussarpassuit Juullip siulianili ingerlariaqqissinnaajunnaaqqanerat Air Greenlandip niuernermut pisortaata ajuusaarutigaa:

- Sila ilaatigut pitsaavallaarsimanngilaq. Teknikkikkullu ajornartorsiutit taassuma saniatigut aamma eqqarsaatigisariaqarput, soorlu aamma kaperlannera pissutaalluni ullormut taamaallaat akunnerit marluk tikillugit angallassisinnaasugut, Maliina Abelsen oqarpoq, ilaasussallu isornartorsiuinerat paasisinnaalluarnerarlugu:

- Sivisuumik utaqqisimagaanni aallarnissamut erinisuttoqartarpoq, Maliina Abelsen oqarpoq.

AAMMA ATUARUK Air Greenland qulimiguulinnik nutaanik pisisariaqarpoq