Angalanermut pilersaarutit nutaat suliarineqaleruttorput, ataasinngornermi unnukkut marlunngornermilu angalasut apuunneqarnissaat naatsorsuutigineqartoq, Air Greenlandimi ataqatigiissaarisoq Niels Chemnitz oqarpoq. Assi toqqorsivimmit

Air Greenlandip angalanissamut taamatitsineranik ilaasut 350-it eqqugaasut

Timmisartumik angallassinerit putsumik eqqorneqartut. Ullulli arlaqartut suli apuuffissaminnut apuussinnaanissaat ilimasaarutigineqartoq

Sinerissami angalasussat 350-it ullumi aallanngitsuunngikkunik kinguaattoornermik nalaataqarput.

Taakkulu tamarmik ullumikkut timmisartortussaagaluartut, pujorneratali utaqqisingaatsiartariaqarsimavai.

- Timmisartuussinerit arlallit taamaatiinnartariaqarsimavarput, Air Greenlandimi ataqatigiissaarisoq Niels Chemnitz oqarpoq.

AAMMA ATUARUK Timmisartuussinissat putsumit taamaatiinnarneqartut kinguartoorlutilluunniit

Ualimut marluk pingasullu eqqaani sisimiuniit Sisimiunullu angalanissat pingasut, Qaarsunut ataaseq, Nuummiit Nuummut marluk kiisalu Kangerlussuarmiit Maniitsumiillu angallassinissaraluit taamaatiinnarneqarput.

Pujuerunnaveersinnaasoq

- Sila massakkut aalajaatsumik inissisimavoq. Puju takkukkaangat sivittajaamik uninngasarpoq, taamaammat siumut pilersaarusioreernissat maannakkuugallartoq nalunarallarpoq, ataqatigiissaarisoq oqarpoq.

Taassuma oqarnera naapertorlugu angalanermut pilersaarutit nutaat suliarineqaleruttorput, ataasinngornermi unnukkut marlunngornermilu angalasut apuunneqarnissaat naatsorsuutigineqarpoq. Danmarkimullu ingerlaqqittussat ullunik marlunnik utaqqisariaqartut Niels Chemnitz oqarpoq.

Angalanissamut pilersaarut nutaaq pillugu apeqqutissaqaraanni Air Greenlandip sullitanut kiffartuussivia uunga sianerluni saaffigineqarsinnaavoq 70 12 12, imaluunniit angalatitsivimmut billettimik pisiffimmut saaffiginnilluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat